聖誕Lunch set推介

見到呢間🈶CHRISTMAS LUNCH MENU，即刻心思思想過去試吓，餐廳環境好有聖誕氣氛，有現場彈奏音樂，而且仲有室外位置，店員服務態度亦十分親切有禮，座位與座位之間又唔會好逼，坐得好舒適自在 Welcome Drinks 聖誕特飲係橙汁特飲，飲落清新冰爽，又唔會太甜，幾好飲 湯揀咗雜菌忌廉湯➕蕃茄湯，我就鍾意有粒粒雜菌嘅忌廉湯多啲，會比較有口感 特式香烤BB雞 配 雜菜薯條 烤雞煮到唔會太乾身，雞髀位置較為香滑，味道剛剛好，配上香甜嘅蕃薯條，炸到脆卜卜，滋味滿滿 香煎三文魚柳 配 野菜薯蓉 三文魚口感香實，野菜薯蓉食落香滑，不過有點兒略為鹹 法國直送甜品揀咗blue fairy➕the garden，估唔到🈶咁大件cake😍賣相仲好靚，the garden口感比較豐富，味道以酸甜為主 blue fairy食落充滿藍莓香味，味道比較香甜 飲品選擇熱嘅Caffe Latte ➕Ginger Latte，前者咖啡味香濃，後者係季節限定，飲落係薑味加咖啡味嘅crossover ，兩者都有配上香甜嘅曲奇 隨餐仲附送聖誕精美小禮物一份，係精緻又實用嘅匙羹及叉❣️ 📍Cafe Cheri (旺角) 旺角弼街8號九龍企業大廈4樓401-402室 #我想收聖誕禮物#甜品係我嘅生命 #蛋糕#Dessert